Rusiya Təhqiqat Komitəsi Yevgeni Priqojinin ölümünü təsdiqləyib
Moskva, 27 avqust, AZƏRTAC
Rusiya Təhqiqat Komitəsi “Vaqner” hərbi qruplaşmasının rəhbəri Yevgeni Priqojinin ölümünü təsdiqləyib.
AZƏRTAC xəbər verir ki, ekspertiza avqustun 23-də Tver vilayətində baş vermiş aviaqəzada ölən 10 nəfərin hamısının şəxsiyyətini müəyyən edib. Onların arasında “Vaqner” hərbi qruplaşmasının rəhbəri Yevgeni Priqojinin də olduğu bildirilib.
Xatırladaq ki, “Vaqner” qruplaşmasının rəhbəri Y.Priqojinin də olduğu təyyarə Tver vilayətində avqustun 23-də qəzaya uğrayıb. Moskvadan Sankt-Peterburqa uçan təyyarənin göyərtəsində olan 3 nəfər heyət üzvü və 7 sərnişin həlak olub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
