Rustavidəki maşın bazarında baş verən yanğın nəticəsində 20-dən çox avtomobilə ziyan dəyib
Tbilisi, 6 iyun, AZƏRTAC
Gürcüstanın Rustavi şəhərində yerləşən avtomobil bazarında yanğın olub.
AZƏRTAC xəbər verir ki, yanğın əvvəl bazarın yaxınlığındakı qida obyektində baş verib və sonradan alov daha geniş əraziyə yayılıb.
Yanğın ərazidəki maşın bazarına da keçib və ilkin məlumata görə, 20-dən çox minik avtomobilinə ziyan dəyib.
Əraziyə cəlb olunan bir neçə yanğınsöndürən briqadanın səyi nəticəsində alovun bütün bazar ərazisinə yayılmasının qarşısı alınıb.
İlkin məlumata görə, xəsarət alan yoxdur.
Faktla bağlı araşdırma aparılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
