Bakı, 2 oktyabr, AZƏRTAC

“Sabah” basketbol komandası bu gün FIBA Avropa Kubokunda mübarizəyə başlayacaq.

AZƏRTAC xəbər verir ki, A qrupunda yer alan Azərbaycan çempionu ilk oyununda Niderlandın “Donar” komandası ilə qarşılaşacaq.

Şimali Makedoniyanın paytaxtı Skopyedəki “Kale Arena”da keçiriləcək görüş Bakı vaxtı ilə saat 19:30-da start götürəcək.

Bu qrupun digər matçında isə yerli “Rabotniçki” Rumıniyanın “Rapid” kollektivini sınağa çəkəcək.

Qeyd edək ki, “Sabah” növbəti oyunlarını oktyabrın 3-də “Rabotniçki”yə, 5-də isə “Rapid”ə qarşı keçirəcək.