Sabirabadda 11 mindən çox ağac əkiləcək
Sabirabad, 18 oktyabr, Aydın Yavərzadə, AZƏRTAC
“Yaşıl dünya naminə həmrəylik ili” çərçivəsində Sabirabadda ağacəkmə aksiyasına start verilib.
AZƏRTAC-ın bölgə müxbiri xəbər verir ki, oktyabrın 27-dək davam edəcək aksiya rayonun Qaragüney, Zalqaraağac, Nizami, Şəhriyar, Xəlfəli, Nərimankənd, Qaratəpə, Əhmədabad, Yastıqobu, Bulaqlı, Qalağayın, Cavad, Zəngənə kəndlərini Hacıqabul-Bəhrəmtəpə-Mincivan magistral avtomobil yolunun 8-50-ci kilometrliyində yol kənarı sahələrində keçirilir.
Ümumilikdə 11350 ədəd ting əkilməsi nəzərdə tutulur.
Yeni əkilən ağaclara aqrotexniki qulluq göstərilməsi, onların qorunması və suvarılması ilə bağlı təşkilati və texniki tədbirlər görülüb.
Bölmənin digər xəbərləri
