“Şahdağ” Turizm Mərkəzində media nümayəndələri üçün xizək dərsləri təşkil olunub
Bakı, 13 fevral, Ceyhun Alışlı, AZƏRTAC
Mədəniyyət və Turizm Nazirliyinin təşkilatçılığı ilə “Şahdağ” Turizm Mərkəzinə bir qrup KİV nümayəndələri üçün iki günlük press-turu təşkil olunub.
AZƏRTAC xəbər verir ki, press-turun çərçivəsində media nümayəndələri üçün Azərbaycanda ilk xizək məktəbinin təlimçiləri tərəfindən xizək dərsləri keçirilib. KİV nümayəndələri xüsusi xizək geyimi və xizək ləvazimatları ilə təmin olunaraq təlimlərdə iştirak ediblər. Təlim zamanı onlara xizəkdən istifadə qaydaları, xizək sürmənin ən asan və təhlükəsiz yolları, xizək enişi və yamacları barəsində məlumat verilib.
Qeyd edək ki, Azərbaycanda 2012- ildən fəaliyyətə başlayan ilk xizək məktəbində 40-dan çox ingilis, fransız, ispan, rus, türkdilli və yerli xizək müəllimi çalışır.
Bölmənin digər xəbərləri
