Sahib Məmmədov: Azərbaycan DİM-lər üzrə növbəti hesabatı 2024-cü ildə göndərəcək
Bakı, 24 oktyabr, AZƏRTAC
Azərbaycan DİM-lər üzrə növbəti hesabatı 2024-cü ildə göndərəcək.
AZƏRTAC xəbər verir ki, bu barədə iqtisadiyyat nazirinin müavini Sahib Məmmədov oktyabrın 24-də Bakıda keçirilən “2023-cü il Qlobal Dayanıqlı İnkişaf Məqsədləri (DİM) Sammitinin Nəticələri və DİM-lərin həyata keçirilməsində Ali Audit Qurumlarının rolu” mövzusunda 3-cü DİM Dialoqunda bildirib.
Nazir müavini qeyd edib ki, Azərbaycan tərəfindən regionda ilk olaraq Dayanıqlı İnkişaf Məqsədləri (DİM) üzrə götürülmüş öhdəliklərin icrasının yekunu kimi BMT-nin Yüksək Səviyyəli Siyasi Forumuna 3 Könüllü Milli Hesabatı təqdim olunub. Bu, Azərbaycan Hökumətinin DİM-lərin həyata keçirilməsi üzrə öhdəliklərə verdiyi əhəmiyyətin bariz nümunəsidir. Növbəti hesabatın 2024-cü ildə təqdim edilməsi planlaşdırılır: “Artıq bu istiqamətdə işlər görülür. Bu məqsədlərin həyata keçirilməsi böyük vəsaitlər tələb edir. Həmin vəsaitlərin effektivliyinin, şəffaflıq və hesabatlılığın təmin edilməsində ali audit orqanlarının iştirakı zəruridir”.
Bölmənin digər xəbərləri
