ŞAHZADƏ ÇARLZ SÜBUT ETDİ Kİ, ÖTƏN İLİ HƏDƏR YAŞAMAYIBDIR

03.07.2004 [14:20]
Çap et
A⁺ A^-

AZƏRTAC xəbər verir ki, Londonun Skay Nyuz telekanalının saytındakı məlumata görə, şahzadə Çarlz necə yaşadığı, həyatda nə ilə məşğul olduğu, Krallığın əmin-amanlığı üçün nə kimi işlər gördüyü barədə məruzəsini açıqlamışdır.

Məruzədə deyilir ki, ötən il Çarlz xeyriyyə məqsədləri üçün 100 milyon funt sterlinqdən çox pul toplamış, 500-dən artıq adamla görüşmüş və 50 nitq söyləmişdir.

Hesabatda şahzadənin maliyyə vəziyyəti barədə də məlumat var. Bildirilir ki, onun əsas gəlirinin mənbəyi olan Kornuoll qraflığının dəyəri bir ildə 55 milyon funt sterlinq artmış və şahzadə il ərzində 11, 913 milyon funt sterlinq qazanmışdır. Doğrudur, o, vergi ödəməli olmasa da, bu məbləğin bir hissəsi vergilərin ödənilməsinə getmişdir, çünki şahzadə qazancının 40 faizini dövlətin hesabına köçürməyi qərara almışdır.

Çarlz özünün “Duchy Originals” şirkətindən də bir milyon funt sterlinq alır. Şirkət sağlam həyat tərzi sürmək həvəskarları üçün ərzaq istehsal edir.