“Salyanoyl” Əməliyyat Şirkəti 2004-cü ilin yanvar-fevral aylarında neftin hasilatı və təhvili üzrə proqnozları yüksək artımla yerinə yetirmişdir.

Dövlət Neft Şirkətindən AZƏRTAC-ın müxbirinə verilən məlumata görə, “Salyanoyl”un neftçiləri cari ilin ilk iki ayında 46 min 420 ton əvəzinə 63 min 486 ton neft çıxarmış və tapşırığa 136,8 faiz əməl etmişlər.

Əməliyyat şirkəti iki ayda dövlətə 55 min 230 ton, yəni nəzərdə tutulandan 9440 ton artıq neft təhvil vermişdir. Bu hesabla şirkət iki aylıq təhvil proqnozunu 120,6 faizə çatdırmışdır.