Şamaxı Astrofizika Rəsədxanasında növbəti astroseminar
Bakı, 27 may, AZƏRTAC
Elm və Təhsil Nazirliyinin N.Tusi adına Şamaxı Astrofizika Rəsədxanası Gənc Alim və Mütəxəssislər Şurasının növbəti astroseminarı keçirilib.
Bu barədə AZƏRTAC-a rəsədxanadan məlumat verilib. Bildirilib ki, seminarda rəsədxananın Qoşa ulduzlar və eruptiv proseslər şöbəsinin əməkdaşı Əmrah Həsənovun “Qoşa ulduzların 60 santımetrlik və 2 metrlik teleskoplarda müşahidə prosesi” mövzusunda məruzəsi dinlənilib.
Təqdim olunan işdə rəsədxananın 60 santımetrlik və 2 metrlik teleskopunda qoşa ulduz sistemlərinin müşahidə metodikası və alınmış müşahidə materialının işlənməsi prosesi şərh edilib. İlkin olaraq qoşa ulduzlar və onların xarakteristikası haqqında ətraflı məlumat təqdim olunub, sonra isə 60 santimetrlik teleskopda fotometrik, 2 metrlik teleskopda spektral müşahidələrin aparılması prosesi mərhələli şəkildə izah edilib. Fotometrik müşahidə prosesi və müşahidə materiallarının işlənməsində MaxIm DL, qoşa ulduzların 2 metrlik teleskop vasitəsilə alınmış spektrlərinin işlənməsində isə DECH proqram qovluğundan istifadə qaydaları göstərilib.
Sonra mövzu ilə bağlı müzakirələr aparılıb, suallar cavablandırılıb.
Bölmənin digər xəbərləri
