Şamaxıda Ulu Öndər Heydər Əliyevin 100 illiyinə həsr olunmuş konfrans keçirilib
Bakı, 16 noyabr, AZƏRTAC
Noyabrın 16-da Şamaxı şəhərində Ulu Öndər Heydər Əliyevin 100 illiyinə həsr olunmuş konfrans keçirilib.
Baş Prokurorluqdan AZƏRTAC-a verilən məlumata görə, konfransda Şamaxı, Ağsu, İsmayıllı və Qobustan Rayon prokurorluqlarının əməkdaşları, hüquq-mühafizə və digər dövlət hakimiyyəti orqanlarının nümayəndələri iştirak ediblər.
Konfrans iştirakçıları əvvəlcə Ümummilli Lider Heydər Əliyevin abidəsi önünə gül dəstələri qoyaraq, unudulmaz xatirəsini ehtiramla anıblar.
Konfransın açılışında Ulu Öndərin və ölkəmizin ərazi bütövlüyü uğrunda qəhrəmancasına şəhid olmuş qəhrəmanların əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.
Tədbirdə Şamaxı rayon prokuroru Müşfiq Səfərov müstəqil Azərbaycan dövlətinin qurucusu və memarı Ümummilli Lider Heydər Əliyevin xalqımız qarşısındakı tarixi xidmətləri, hüquqi dövlət quruculuğu mövzusunda çıxış edib.
Konfransda çıxış edən Şamaxı Rayon İcra Hakimiyyətinin başçısı Tahir Məmmədov Ulu Öndər Heydər Əliyevin zəngin siyasi və dövlət quruculuğu sahəsində əvəzolunmaz fəaliyyətindən bəhs edib.
İştirakçılar Ulu Öndər Heydər Əliyevin həyat və fəaliyyətindən, həmçinin gənclərə olan qayğısından danışıb, Baş Prokurorluğun təşəbbüsü ilə hazırlanmış filmə baxıblar.
Bölmənin digər xəbərləri
