SAMBO ÜZRƏ ÖLKƏ ÇEMPİONATININ GƏNCLƏR ARASINDA QALİBLƏRİ MƏLUM OLMUŞDUR
AZƏRTAC xəbər verir ki, yanvarın 26-da Texniki Universitetin idman zalında sambo üzrə ölkə çempionatında 123 gənc idmancı arasında qaliblər məlum olmuşdur.
10 çəki dərəcəsi üzrə keçirilən yarışın nəticələrinə görə, Ağasif Səmədov (48 kq, ”Neftçi”), Vüqar Məmmədov (52 kq, “Məhsul”), Cavidan Qarayev (57 kq, Sumqayıt şəhəri), Yaşar Abbasov (62 kq, ”Neftçi”), Emil Həsənov (68 kq, ”Neftçi”), Cabir Mirzəliyev (74 kq, Sumqayıt şəhəri), Mirələm Ağamirov (82 kq, “Neftçi”), Naim Allahverdiyev (90 kq, “Neftçi”), Nizami Hüseynov (100 kq, Əli Bayramlı şəhəri), Babayev Fərid (100 kq-dan yuxarı, Gəncə şəhəri) ölkə çempionu adına layiq görülmüşlər.
Yarışın qalibləri may ayında Belarusda keçiriləcək Avropa çempionatında Azərbaycanı təmsil edəcəklər.
Bölmənin digər xəbərləri
