SAMBO ÜZRƏ ÖLKƏ ÇEMPİONATININ QALİBLƏRİ MƏLUM OLMUŞDUR
AZƏRTAC xəbər verir ki, Texniki Universitetin idman zalında keçirilən yeniyetmə və gənclər arasında sambo üzrə Azərbaycan birinciliyinin qalibləri yanvarın 25-də məlum olmuşdur.
Yarışın nəticələrinə əsasən, Orxan Camalov (48 kq, “Zenit”), Vüqar Məmmədov (52 kq, “Məhsul”), Rəşid Kamalzadə (56 kq, “Bakı-İnter” ), Ruslan Rəşidov (60 kq, “Neftçi”), Səfər Aşımov (65 kq, “Sumqayıt”), Samir Kərimov (70 kq, “Neftçi”), Azər Ağayev (75 kq, “Neftçi”), Hikmət Alışov (81 kq, “Masallı”), Seymur Heydərov (87 kq, “Gömrük”), Sadiq Əhmədov (87 kq-dan yuxarı, “Kanakar”) Azərbaycan çempionu adını qazanmışlar.
Qaliblərə mükafatlar təqdim edilmişdir.
Yarışın qalibləri bu ilin mayında Belarusda keçiriləcək Avropa birinciliyində Azərbaycanı təmsil edəcəklər.
Bölmənin digər xəbərləri
