SANKT-PETERBURQDA AZƏRBAYCANIN MÜSTƏQİLLİYİ GÜNÜ QEYD OLUNMUŞDUR
Azərbaycanın Sankt-Peterburqdakı baş konsulluğundan AZƏRTAC-a bildirmişlər ki, Sankt-Peterburq milli-mədəni muxtariyyatı ilə birgə Azərbaycanın Müstəqilliyi gününə həsr olunmuş tədbir keçirilmişdir.
Çıxış edənlər ümummilli lider Heydər Əliyevin Azərbaycanın müstəqilliyi naminə apardığı siyasətindən bəhs edərək, Prezident İlham Əliyevin ölkəmizin beynəlxalq aləmdə nüfuzunun artırılmasında böyük rolunu qeyd etmişlər.
Müasir Azərbaycanın daha sürətlə inkişaf etməsi, Azərbaycan-Rusiya dostluq münasibətlərinin gündən-günə güclənməsi və Ermənistan tərəfindən işğal olunmuş torpaqlarımızın azad edilməsi arzusu tədbir iştirakçıları tərəfindən xüsusi vurğulanmışdır.
Sonda Sankt-Peterburqda fəaliyət göstərən “Çinar” uşaq ansamblı milli rəqslərimizi ifa etmiş, azərbaycanlı müğənni S.Sədiyevin ifasında milli mahnılar səslənmişdir.
Bölmənin digər xəbərləri
