SANKT-PETERBURQDA ÇIXAN “VEÇERNİ PETERBURQ” QƏZETİNDƏ XOCALI FACİƏSİNƏ HƏSR OLUNMUŞ MƏQALƏ DƏRC OLUNMUŞDUR
Bakı, 25 fevral (AZƏRTAC). Azərbaycanın Sankt-Peterburqdakı Baş konsulluğunun mətbuat xidmətindən bildirmişlər ki, bu şəhərin aparıcı və gündəlik “Veçerni Peterburq” qəzetində baş konsul Qüdsi Osmanovun Xocalı faciəsi ilə bağlı “Azərbaycanın kədəri” məqaləsi dərc olunmuşdur.
Məqalədə Ermənistan-Azərbaycan, Dağlıq Qarabağ münaqişəsinin səbəbləri, 1992-ci il fevralın 26-na keçən gecə erməni silahlı birləşmələrinin Xocalıda törətdikləri vəhşiliklər barədə oxuculara ətraflı məlumat verilmişdir.
Müəllif yazır ki, Azərbaycan xalqı mehriban, əməksevər və sülhsevər xalqdır. Bütün millətlərlə sülh şəraitində yaşamağa hazırdır. Lakin qəddar və amansız faciələri unuda bilməz. Xalqımız bütün mübahisəli məsələlərin sülh yolu ilə həllinə tərəfdardır. Amma insanlığa qarşı törədilmiş cinayətlər - soyqırımı faktları mübahisə mövzusu deyildir. Soyqırımı faktını tarixin arxivinə atmaq olmaz. Bu fakt açıq məhkəmə, günahkarların cəzalandırılmasını tələb edir.
Bölmənin digər xəbərləri
