SARISU GÖLÜ SAATLI RAYONUNUN NOVRUZLU VƏ DƏLLƏR KƏNDİ ARASINDA YERLƏŞƏN ƏRAZİDƏN YARILMIŞDIR
Saatlı, 27 may (AZƏRTAC) . Mayın 26-da səhər saatlarından başlayaraq Sarısu gölü Saatlı rayonunun Novruzlu və Dəllər kəndi arasında yerləşən ərazidən yarılmışdır. İndi Kürün suyu Araz çayı istiqamətinə axıdılır. Məqsəd göldə daşqınların qarşısını almaq, bəzi kəndləri subasmadan xilas etməkdir.
Fəlakət zonasında ümumilikdə vəziyyət sabitdir, bəndbərkitmə və bərpa işlərinə Fövqəladə Hallar Nazirliyi ilə yanaşı, Daxili Qoşunların da şəxsi heyəti cəlb olunmuşdur.
Hazırda Sarısu gölündə suyun səviyyəsi 40 santimetr aşağı düşmüşdür. Bunun sayəsində Kürlə Sarısu gölü arasında olan bəndin bərpası işləri sürətləndiriləcəkdir.
Fövqəladə Hallar nazirinin müavini Etibar Mirzəyev bildirmişdir ki, Sarısu gölündə hazırda vəziyyət normallaşmaq üzrədir, heç bir təhlükə yoxdur.
Bölmənin digər xəbərləri
