Səbinə Hacıyeva: Tarixi irsin mühafizəsi ilə müasir inkişafın ahəngdar şəkildə uzlaşdırılması vacibdir
Bakı, 20 may, AZƏRTAC
Azərbaycanın işğaldan azad olunmuş ərazilərdə insanların yaşayışı üçün müasir şəraitin yaradılması istiqamətində genişmiqyaslı bərpa və yenidənqurma işləri həyata keçirilir. Yeni kənd və yaşayış məntəqələri salınır, infrastruktur müasir standartlara uyğun şəkildə qurulur.
AZƏRTAC xəbər verir ki, bu sözləri Mədəni İrsin Qorunması, İnkişafı və Bərpası üzrə Dövlət Xidmətinin rəisi Səbinə Hacıyeva BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində “Mədəni irsin və inklüziv şəhər regenerasiyasının yenidən düşünülməsi” mövzusunda keçirilən panel sessiya zamanı deyib.
O diqqətə çatdırıb ki, bu prosesdə yerli əhalinin ehtiyacları əsas götürülür və onların yeni mühitə uyğunlaşması nəzərə alınır. “Məqsəd odur ki, həyata keçirilən dəyişikliklər cəmiyyət tərəfindən qəbul edilsin və sosial uyğunluq təmin olunsun. Əsas yanaşma balansın qorunmasıdır —tarixi irsin mühafizəsi ilə müasir inkişafın ahəngdar şəkildə uzlaşdırılması vacibdir”,- deyə Səbinə Hacıyeva əlavə edib.
Müxbir - Fidan Əlizadə
Bölmənin digər xəbərləri
