Seçmə mərhələ: Azərbaycan millisi bu gün son oyununa çıxacaq
Bakı, 16 iyul, AZƏRTAC
Bu gün qadın futbolçulardan ibarət Azərbaycan millisi Avropa çempionatının seçmə mərhələsində son oyununa çıxacaq.
AZƏRTAC xəbər verir ki, B Liqasının 1-ci qrupunda yer alan yığma İsveçrə seçməsi ilə qarşılaşacaq.
Lozanna şəhərində yerləşən “Olimpik De La Pontez” stadionunda baş tutacaq görüşü Slovakiyadan olan hakimlər briqadası idarə edəcək. Matç Bakı vaxtı ilə saat 21:00-da başlayacaq.
Qeyd edək ki, qrup mərhələsinin ilk beş turundan sonra Azərbaycan millisi 4 xalla 4-cü pillədə qərarlaşıb.
Bölmənin digər xəbərləri
