SƏDDAM HÜSEYN NÖVBƏTİ DƏFƏ MƏHKƏMƏSALONUNDAN ÇIXARILMIŞDIR
Qeyd edək ki, Məhəmməd əl-Üreybini tribunala başçı təyin edildiyi vaxtdan bəri sabiq İraq prezidentinin dördüncü dəfə salondan çıxarılmasına onun baş ittihamçı ilə növbəti mübahisəsi səbəb olmuşdur.
Birinci şahidin çıxışından sonra Səddam Hüseyn nitq söyləməyə çalışmışdır. Lakin hakim mikrofonu söndürərək, mühafizə xidmətinə S. Hüseyni salondan uzaqlaşdırmağı əmr etmişdir. Bundan sonra hakim məhkəmənin qapalı keçirilməsi barədə göstəriş vermişdir.
Artıq beşinci dəfədir ki, bu məhkəmə işini aparan Məhəmməd əl - Üreybi Səddam Hüseyn barəsində sərt və yenilməz mövqe tutduğunu nümayiş etdirmişdir.
Bununla belə, Səddam Hüseynin müdafiəçiləri yeni hakimin təyin edilməsinə etiraz olaraq, məhkəmə prosesini boykot etməkdədirlər.
Xatırladaq ki, Səddam Hüseyn və onun ətrafındakılardan 6 nəfər 1980-ci illərin axırlarında 180 mindən çox kürdün kütləvi şəkildə qırılmasında əli olmaqda təqsirləndirilir. Təkcə İranla sərhəddə yerləşən Hələbcə kəndində İraq aviasiyasının kimyəvi silahdan istifadə etməsi nəticəsində beş min dinc əhali həlak olmuşdur. Təqsirləri sübuta yetirilərsə, bütün müttəhimləri ölüm cəzası gözləyir.
Bölmənin digər xəbərləri
