SƏDDAM HÜSEYNİN TƏQSİRİ SÜBUT EDİLMƏSƏ, DƏRHAL AZADLIĞA BURAXILACAQ
İyulun 1-də Bağdadda Xüsusi Hərbi Tribunalda keçirilən dinləmələrdə şəxsən Səddam Hüseynə və onun 11 silahdaşına ittihamlar təqdim olunmuşdur. 1988-ci ildə Hələbcədə kürdlərə qarşı kimyəvi silahdan istifadə edilməsi, 1980-88-ci illərdə İranla müharibə ilə bağlı cinayətlər, 1990-cı ildə Küveytə müdaxilə, 1991-ci ildə şiələrin üsyanının amansızlıqla yatırılması əsas ittihamlardandır. Bundan əlavə, Səddam Hüseyn “öldürülənlərin kütləvi surətdə dəfninə və İraq həbsxanalarında tətbiq olunmuş cəzalara - dilin, qulaq və əl-qolun kəsilməsi ilə bağlı cinayətlərə görə” də məsuliyyətə cəlb ediləcəkdir.
Sabiq prezidentin vəkilləri onun məhkəməsinin müdafiənin iştirakı olmadan başlanmasına etirazlarını bildirmişlər. Lakin ədliyyə naziri vurğulamışdır ki, “heç bir ərəb və ya Qərb vəkili Səddam Hüseynin müdafiəsi üçün rəsmi icazə almaqdan ötrü müraciət etməmişdir”. O xatırlatmışdır ki, “Səddam Hüseyn İraqda qüvvədə olan cinayət hüququna əsasən mühakimə ediləcəkdir”.
Bölmənin digər xəbərləri
