SƏHİYYƏ NAZİRLİYİ BƏZİ XƏSTƏLİKLƏRİN DÖVLƏT BÜDCƏSİHESABINA MÜALİCƏSİNİ TƏMİN ETMƏK MƏQSƏDİ İLƏPROQRAMLAR HAZIRLAMIŞDIR

02.02.2006 [10:33]
Çap et
A⁺ A^-

Səhiyyə naziri Oqtay Şirəliyev AZƏRTAC-ın müxbirinə demişdir ki, hazırda respublikada xroniki böyrək çatışmazlığı ilə hemodializ alan, talassemiyalı, hemofiliyalı, immun çatışmazlığı virusu daşıyıcıları, kimyəvi terapiya alan onkoloji və vərəmli xəstələrin sayı 16 minə yaxındır.

Vərəmli və QİÇS-ə yoluxmuş xəstələrin dərmanla təmin olunması məqsədi ilə hazırda nüfuzlu beynəlxalq təşkilatlarla bir neçə layihə üzərində iş gedir. Qalan xəstələrin dərman təminatının həlli yolları araşdırılır.

2006-cı ildə dərmanların alınması üçün dövlət büdcəsindən cəmi 19 milyon yeni manat nəzərdə tutulduğu halda, təkcə həmin xəstələrin dərmanla təminatına 20 milyon manatdan artıq vəsait tələb olunur.

Məhz bununla əlaqədar, bu qrup xəstəliklərin dövlət büdcəsi hesabına müalicəsini təmin etmək məqsədi ilə Səhiyyə Nazirliyi qısa müddətdə beş Dövlət Proqramı hazırlamışdır.