ŞƏKİ MODUL ELEKTRİK STANSİYASININ TİKİNTİSİ BAŞLANMIŞDIR
110 kilovoltluq yardımçı stansiyanın inşası üçün ayrılan 12,5 hektar sahə hamarlanmış, əsas xətlərin və portalın özülü qazılmışdır. Hazırda obyektdə torpaq işləri davam etdirilir.
Subpodratçı qismində fəaliyyət göstərən Azərbaycanın AZENKO şirkətinin texnikası, maşın və mexanizmi tikinti meydançasında cəmləşdirilmişdir.
Elektrik stansiyasının inşaatçılarına xidmət edəcək 200 nəfərlik yeməkxananın tikintisi başa çatmışdır. Hazırda layihənin həyata keçirilməsində iştirak edən Vartsila, ABB, Ward kimi xarici şirkətlərin fəhlələri üçün konteyner-ofislər quraşdırılır. Tikinti meydançasının işıqlandırılması və su təchizatı ilə bağlı kompleks tədbirlər başa çatmaq üzrədir.
Obyektin ilkin hazırlıq işlərinə 130 nəfər cəlb olunmuşdur ki, bunun da yarıdan çoxunu yerli əhali təşkil edir. Tikinti-quraşdırma işləri daha geniş vüsət alanda 400-500 nəfərə ehtiyac olacaq və bu da yerli sakinlərin məşğulluğunun təmin edilməsində mühüm rol oynayacaqdır.
Bölmənin digər xəbərləri
