ŞƏKİDƏ “AZƏRBAYCANIN SOSİAL MÜDAFİƏ SİSTEMİNDƏİSLAHATLAR” MÖVZUSUNDA REGİONALSEMİNAR KEÇİRİLMİŞDİR
Tədbirdə Balakən, Zaqatala, Qax, Oğuz, Qəbələ rayonlarının və Şəki şəhərinin əhalinin sosial müdafiəsi mərkəzlərinin rəhbər və mütəxəssisləri iştirak etmişlər.
“Azərbaycanda sosial müdafiə sisteminin islahatı” layihəsinin rəhbəri, Timo Pirainen bildirmişdir ki, seminarın keçirilməsindən əsas məqsəd layihənin işçi qrupunun hazırladığı “Sosial yardım üzrə strateji sənəd”ə yerlərdə münasibəti öyrənmək, sosial yardım və yoxsulluğun azaldılması məsələləri ilə bağlı fikir mübadiləsi aparmaqdır.
Sosial yardımın məqsəd və xüsusiyyətləri, ünvanlı sosial yardım, sosial yardım və sosial xidmətlərin qeyri-mərkəzləşdirilməsi, inzibati idarəolunma və iş təcrübələrinin təkmilləşdirilməsi, sosial yardım üzrə fəaliyyətlərin planlaşdırılması və digər məsələlər tədbirdə əsas müzakirə mövzusu olmuşdur.
Seminarın işində Finlandiya, Ukrayna, Fransadan olan beynəlxalq ekspertlər, habelə Əmək və Əhalinin Sosial Müdafiəsi Nazirliyinin mütəxəssisləri iştirak etmişlər.
Bu mövzuda növbəti seminar Naxçıvan Muxtar Respublikasında keçiriləcəkdir.
