Sənədlərin çatdırılması üçün pilotsuz uçan aparatlardan istifadə ediləcəkdir VİDEO
Bakı, 14 fevral (AZƏRTAC). Birləşmiş Ərəb Əmirlikləri (BƏƏ) sürücülük vəsiqələrinin və digər dövlət sənədlərinin ünvanına çatdırılması üçün pilotsuz uçan aparatlardan istifadə etməyi planlaşdırır.
Pilotsuz aparatlar bu yaxınlarda Dubayda kuryer funksiyalarının yerinə yetirilməsi üçün sınaqdan keçiriləcəkdir.
Pilotsuz uçan aparat əhəmiyyətli sənədləri daşımaq üçün dörd rotorla təchiz edilmiş və bu məqsədlə onun yuxarı yük bölməsində xüsusi yer ayrılmışdır. Aparatın eni 45,7 santimetrdir. Layihənin baş mühəndisi demişdir ki, aparat göz qişasını və barmaq izlərini tanıma sistemi ilə təchiz ediləcəkdir. Bu üsul aparatın başqa əllərə keçməsi zamanı sənədlər paketindəki mühüm informasiyanın təhlükəsizliyi təmin olunacaqdır.
Pilotsuz uçan aparatın fəaliyyətinin vacib şərtlərindən biri də BƏƏ üçün xarakterik olan bərk isti, səhra fırtınaları və digər çətin hava şəraitində işləməsidir.
Bölmənin digər xəbərləri
