Serbiyada miqrantları daşıyan qayıq batıb
Belqrad, 22 avqust, AZƏRTAC
Serbiyada miqrantları daşıyan qayıq Drina çayında batıb.
AZƏRTAC xəbər verir ki, bu barədə məlumatı Serbiya Baş nazirinin müavini, daxili işlər naziri İvitsa Daçiç açıqlayıb.
Nazir bu gün səhər saatlarında Bosniya və Herseqovinanın sərhəd orqanlarının Lyuboviya sərhəd polisinə içərisində qanunsuz miqrantların olduğu qayığın Drina çayında batdığı barədə məlumat verdiyini bildirib. Qeyd edib ki, polis və Fövqəladə Hallar Departamentinin əməkdaşları dərhal hadisə yerinə göndərilib.
Sahilə çatan miqrantların sözlərinə görə, qayıqda 25 nəfər olub. Polis və xilasedicilər üçü uşaq olmaqla 18 nəfəri xilas ediblər. İtkin düşən 7 nəfərin axtarışları intensiv şəkildə aparılır.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
