COP29
Sərgi iştirakçısı: Əkinçilik sektorunu dəstəkləmək üçün tullantılardan gəlirli məhsullar əldə edə bilərik
Bakı, 13 noyabr, AZƏRTAC
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) iqlim dəyişikliyi ilə mübarizədə fikirlərimizi bölüşmək üçün əla platformadır.
Bu fikirləri AZƏRTAC-a müsahibəsində COP29 sərgi iştirakçısı “Novorom” şirkətinin mühəndisi Sergey Meşkov deyib.
Sərgidə iştirakından məmnunluğunu bildirən Sergey Meşkov konfransdan gözləntiləri sırasında iqlim problemlərinin həllini dəstəkləmək, ətraf mühiti yaxşılaşdırmaq, yaşıl yanacaq yaratmaq və digər məsələlərin dayandığını söyləyib: “Konfransdakı panel müzakirələrdən sonra nə etdiyimizi və edəcəyimizi bölüşmək, potensialımızı göstərmək çox vacibdir. Biz məhsul tullantılarına hər zaman diqqət yetirmişik. Əkinçilik sektorunu dəstəkləmək üçün həmin tullantılarından gəlirli məhsullar əldə edə bilərik”.
Bölmənin digər xəbərləri
