SƏUDİYYƏ ƏRƏBİSTANI DTT-NİN 149-CU ÜZVÜDÜR
Səudiyyə Ərəbistanının DTT-yə daxil olmasından əvvəl 12 il ərzində danışıqlar aparılmışdır. Ölkənin DTT-yə qoşulması bu təşkilatın dekabrın 13-də Honkonqda açılacaq nazirlər konfransında nəzərdə tutulsa da, Səudiyyə hökuməti buna vaxtından əvvəl nail olmuşdur. Beləliklə, ölkə qarşıdakı konfransda tamhüquqlu üzv kimi iştirak edəcəkdir.
DTT-yə qoşulmaq üçün Səudiyyə Ərəbistanı təşkilatın bütün qaydalarını qəbul etməli olacaqdır ki, bu da iqtisadiyyatın bir neçə qapalı sektorunu liberallaşdırmağa gətirib çıxaracaqdır. Bundan başqa, DTT-yə qoşulmaq Səudiyyə bazarına İsrailin yolunu açacaqdır. Bu isə Ərəb Dövlətləri Birliyi tərəfindən İsrailin boykotunda Səudiyyə Ərəbistanının iştirakı məsələsinə yenidən baxılmasına səbəb ola bilər.
Ölkə hökuməti kənd təsərrüfatına ayrılan yardımın azaldılması barədə bir çox dövlətlərin dəstəklədikləri təşəbbüsə qoşulduğunu bildirmişdir. Səudiyyə Ərəbistanı bu məqsədlər üçün ayrılan vəsaitin həcmini qarşıdakı 10 il ərzində 13,3 faiz azaldacaqdır. Eyni zamanda, yerli istehsalçıları qorumalı olan gömrük tarifləri indiki 20 faizdən 15 faizə endiriləcəkdir.
Bölmənin digər xəbərləri
