Səudiyyəli nazir: “OPEC+” koalisiyası koronavirus təhlükəsinə qeyri-ciddi yanaşmamalıdır
Bakı, 26 fevral, AZƏRTAC
OPEC-ə üzv və kartelə üzv olmayan ölkələrdən ibarət “OPEC+” koalisiyası koronavirus təhlükəsinə qeyri-ciddi yanaşmamalıdır.
AZƏRTAC xarici KİV-lərə istinadla xəbər verir ki, bu sözləri Səudiyyə Ərəbistanının Energetika naziri Abduləziz bin Salman bin Abduləziz Al Saud deyib.
Nazir qlobal miqyasda gündəmə gələn hər bir təhlükəli məsələyə ciddi yanaşılmasının vacibiyini qeyd edib: “OPEC+” koalisiyasının hər bir üzvü neft istehsalçısıdır və məsuliyyət daşıyır. Buna görə də, koronavirus təhlükəsinə ciddi yanaşılmalıdır”.
Qeyd edək ki, bir çox ölkədə yayılan koronavirus qlobal iqtisadiyyata, əsasən də neft tələbatına təsirsiz ötüşmür. Azalan tələbat fonunda isə neftin qiymətində ucuzlaşma müşahidə olunur.
Bölmənin digər xəbərləri
