ŞİMAL BÖLGƏSİ ƏHALİSİNİN SOSİAL VƏZİYYƏTİ MÜZAKİRƏ OLUNMUŞDUR
Nazir Xaçmaz rayonunda yerli sosial müdafiə mərkəzlərinin rəhbərləri və nazirliyin məsul işçilərinin iştirakı ilə keçirilmiş müşavirədə demişdir ki, Ünvanlı dövlət sosial yardımı sisteminin tətbiqi bu sahədə atılan mühüm addımlardan biridir. Biz dövlət başçımızın da nəzarətində olan bu vacib vəzifəni yüksək səviyyədə yerinə yetirməli, neqativ hallara yol verməməliyik.
F.Ələkbərov ölkə Prezidentinin sosial sahəyə göstərdiyi qayğıdan danışmış və bildirmişdir ki, əsas məqsəd xüsusilə aztəminatlı əhalinin iqtisadi rifahını yüksəltməkdir.
Müşavirədə, həmçinin regionda ünvanlı sosial yardımın tətbiqi, əhalinin məşğulluğu, əlillərin sosial müdafiəsi, əmək hüquqlarının qorunması, tibbi-sosial ekspertizanın təşkili və digər məsələlər də müzakirə olunmuş, problemlərin həlli və iş prosesində ortaya çıxan neqativ halların aradan qaldırılması istiqamətində görülən tədbirlərdən söhbət açılmışdır.
F.Ələkbərov Siyəzən, Dəvəçi, Quba, Qusar və Xızı rayonlarında da olmuş, nazirliyin yerli strukturlarında vətəndaşlara göstərilən xidmətin vəziyyəti ilə yaxından tanış olmuş, konkret tapşırıqlar vermişdir.
Bölmənin digər xəbərləri
