REGİONLAR
Şimal-qərb bölgəsində 8 mindən çox şagird məktəbdənkənar təhsil müəssisələrinə cəlb olunub
Şəki, 29 noyabr, Mustafa Dadaşov, AZƏRTAC
Şəki-Zaqatala Regional Təhsil İdarəsinin tabeliyində fəaliyyət göstərən 12 məktəbdənkənar təhsil müəssisəsinə, ümumilikdə, 8 mindən çox şagird cəlb olunub. Onların məktəbdənkənar fəaliyyəti ilə 396 müəllim məşğul olur.
Bu barədə AZƏRTAC-ın bölgə müxbirinə Regional Təhsil İdarəsindən məlumat verilib.
Qurumun əməkdaşı Mahal Məmmədov bildirib ki, bu təhsil müəssisələrində voleybol, şahmat, basketbol, futbol, sərbəst güləş, rəsm, bədii toxuculuq, bacarıqlı əllər, təsviri sənət və dizayn, milli rəqs və sair dərnəklər təşkil olunub.
