Sirli doqquzuncu planet Günəşin maililiyinə şərait yaradıb
Bakı, 21 oktyabr, AZƏRTAC
Günəş sisteminin sirli doqquzuncu planeti Günəşin maililiyinə səbəb ola bilər. AZƏRTAC “svopi.ru” saytına istinadla xəbər verir ki, bu barədə NASA tədqiqatçıları məlumat veriblər.
Mütəxəssislərin sözlərinə görə, Britaniya alimləri Günəş sistemində doqquzuncu planetin mövcud olmasını, demək olar ki, sübuta yetiriblər. Onların fikrincə, Yer kürəsindən böyük məsafədə yerləşən bu göy cisminin qarşısını başqa planetlər tutduğundan o, həmişə görünməzdir. Bu obyekti cihazlar da eyniləşdirə bilmir, çünki çox uzaqda yerləşir.
Alimlər bildirirlər ki, Günəşin maililiyi sistemin kənarında planetin olması ilə bağlıdır. Günəşin orbiti boyu hərəkət etmək üçün sistemin bütün obyektləri onunla eyni ox üzərində olmalıdır.Doqquzuncu planet Yerə nisbətən bir qədər əyilmiş vəziyyətdədir və buna görə də Günəşə paralel deyildir.
NASA-nın fərziyyəsinə görə, doqquzuncu planetdə həyat ola bilər. Günəşdən uzaq məsafədə yerləşsə də, temperaturu, çox güman, müsbətdir, çünki bu planet digər sistemlə qovuşuq məkanda yerləşir.
Bölmənin digər xəbərləri
