Şirvanda ağır yol qəzası baş verib
Şirvan, 30 iyun, Mahir Babayev, AZƏRTAC
Şirvanda bir nəfərin ölümü ilə nəticələnən ağır yol qəzası baş verib.
AZƏRTAC-ın bölgə müxbiri xəbər verir ki, hadisə şəhərin Heydər Əliyev prospektində qeydə alınıb.
Şəhər sakini Samir Mustafayevin idarə etdiyi “Mercedes” markalı avtomobil idarəetməni itirərək elektrik dirəyinə çırpılması nəticəsində yanğın baş verib. Avtomobildə olan sərnişin Türanə Bəşirova hadisə yerində həlak olub. Xəsarət alaraq digər sərnişin İnqilab Əhmədov şəhər xəstəxanasına yerləşdirilib.
Yanğın Fövqəladə Hallar Nazirliyinin əməkdaşları tərəfindən söndürülüb.
Faktla bağlı araşdırma aparılır.
Bölmənin digər xəbərləri
