SİYASİ PARTİYALAR MƏHKƏMƏNİN QƏRARI İLƏ LƏĞV EDİLƏ BİLƏR
AZƏRTAC-ın müxbiri xəbər verir ki, dəyişiklik siyasi partiyaların fəaliyyəti və ləğvi ilə bağlıdır.
Dəyişiklikdə deyilir: Siyasi partiya bu Qanunun 4-cü maddəsinin dördüncü hissəsində nəzərdə tutulan hərəkətləri etdikdə məhkəmənin qərarı ilə ləğv edilir.
Siyasi partiya bu Qanunun 15-ci maddəsinin üçüncü hissəsində nəzərdə tutulan hərəkətləri bir il müddətində təkrar etdikdə məhkəmənin qərarı ilə ləğv edilə bilər.
Siyasi partiyanın ləğv edilməsi haqqında təqdimat Azərbaycan Respublikası Ədliyyə Nazirliyi tərəfindən verilir. Məhkəmə, iş üzrə qərar qəbul edilənə qədər Azərbaycan Respublikasının qanunvericiliyi ilə nəzərdə tutulan hallarda və qaydada həmin siyasi partiyanın fəaliyyətini dayandıra bilər.
Əvvəlki variantda bütün hallarda siyasi partiya Konstitusiya Məhkəməsinin qərarı ilə ləğv edilirdi.
