Siyəzəndə narkotik əməliyyatı: 6 nəfər saxlanıldı
Siyəzən, 20 noyabr, AZƏRTAC
Son üç gündə Siyəzən Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı keçirilən əməliyyatlar nəticəsində 6 nəfər saxlanılıb.
Daxili İşlər Nazirliyinin Mətbuat Xidmətinin Quba regional qrupundan AZƏRTAC-ın bölgə müxbirinə verilən məlumata görə, polis əməkdaşları tərəfindən narkotik vasitələri əldə etməsi, saxlaması, daşıması və satmasında şübhəli bilinən rayon sakinləri Bəxtiyar Qəniyev, Natiq Tağıyev, Elton Bədəlov, Əlişərəf İsmayılov, Zöhrab Lətifov və Xızı rayon sakini Riad Ağabalayev saxlanılıblar. Həmin şəxslərin üzərilərinə və yaşadıqları evə baxış keçirilən zaman xeyli miqdarda narkotik vasitə olan heroin, marixuana və iki ədəd elektron tərəzi aşkarlanaraq götürülüb.
Faktlarla bağlı RPŞ-də cinayət işi başlanılıb.
Bölmənin digər xəbərləri
