Slovakiya bu il Ukraynadan milyon ton taxıl tranzitini təmin edəcək
Bakı, 6 oktyabr, AZƏRTAC
Slovakiya 2023-cü ildə öz ərazisi vasitəsilə Ukraynadan milyon ton taxıl tranzitini təmin edəcək və gələcəkdə Qara dənizdəki limanların bağlı qalacağı təqdirdə bu göstəricini dəfələrlə artıracaq.
AZƏRTAC xəbər verir ki, bunu “Slovakiya dəmir yolları” Səhmdar Cəmiyyətinin Baş direktoru Roman Qono deyib.
Onun sözlərinə görə, bunun üçün vaqon parkının təkmilləşdirilməsinə və istifadə olunan texnologiyaların inkişafına sərmayə qoyulmalıdır. Bu işlərə tələb olunan vəsaitin böyük hissəsi Avropa İttifaqı tərəfindən ödəniləcək. Brüssel Avropa İttifaqı ilə Ukraynanın dəmir yolu şəbəkəsinin birləşdirilməsinə azı 68 milyon avro ayıracaq. Vəsaitin bir hissəsi artıq Bratislavaya təqdim olunub.
Bölmənin digər xəbərləri
