STAVROPOLDA TƏLİM-MƏŞQ TOPLANIŞINA YOLA DÜŞMÜŞLƏR
Tamplinq üzrə Azərbaycan yığma komandası ongünlük təlim-məşq toplanışında iştirak etmək üçün Stavropola yola düşmüşdür. İdmançılarımız Taleh Həziyev, Rəvan Yusubov, Abdulla Qasımov, Rahib Əliyev, Səid Səlimov və Hafiz Rzayev Rusiya komandası ilə birlikdə məşq keçəcəklər.
Respublika Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, məşqlər zamanı, əsasən, xüsusi və ümumi fiziki hazırlığa diqqət yetiriləcəkdir. İdmançılarımız müəyyən proqramlar üzrə hərəkətlərin icrası zamanı müxtəlif elementləri mənimsəmək üzərində işləyəcəklər.
Komandamızın Stavropoldakı məşqləri fevralın 22-də Ukraynanın Binnitsa şəhərində keçiriləcək beynəlxalq turnirə hazırlıq məqsədi daşıyır.
Bölmənin digər xəbərləri
