“Sumqayıt” futbol klubu ilk dəfə olaraq kubok finalına çıxıb
Sumqayıt, 1 may, AZƏRTAC
Mayın 1-də “Zirə” İdman Kompleksinin stadionunda futbol üzrə Azərbaycan kubokunun yarımfinal mərhələsinin cavab oyunu keçirilib. “Zirə” “Sumqayıt” futbol klubunu qəbul edib.
AZƏRTAC xəbər verir ki, gərgin və maraqlı idman mübarizəsi şəraitində keçən qarşılaşma 3:3 hesabı ilə bitib. Oyun bərabərliklə yekunlaşsa da, “Sumqayıt” FK final oyununa adlayıb və ilk dəfə olaraq kubok finalına vəsiqə qazanıb.
Kubokun final oyunu mayın 19-da Naxçıvan şəhərində keçiriləcək. “Sumqayıt” futbol klubunun rəqibi “Qəbələ” olacaq.
Bölmənin digər xəbərləri
