Sumqayıtda COVID-19 infeksiyasına qarşı vaksinasiya davam edir
Sumqayıt, 3 aprel, Ətrabə Rzayeva, AZƏRTAC
Sumqayıt şəhərində yanvarın 20-dən COVID-19 infeksiyasına qarşı vaksinasiya prosesinə başlanılıb. İlkin mərhələdə tibb işçiləri peyvənd olunub. Fevralın 8-dən isə yaşı 65-dən yuxarı olan əhali arasında vaksinləşmə aparılır. Artıq 40 yaşdan yuxarı olanlar da peyvəndləşməyə cəlb olunub. Hər gün təxminən 2 minə yaxın şəhər sakini peyvənd olunur.
Bu barədə AZƏRTAC -a Sumqayıt şəhər səhiyyə şöbəsindən məlumat verilib. Qeyd edilib ki, Sumqayıtda 8 məntəqədə peyvəndləmə işləri aparılır və eyni vaxtda 44 vaksinator peyvəndləmə prosesində iştirak edir.
Bildirilib ki, İndiyədək 50 minə yaxın şəhər sakini peyvənd olunub.
Bölmənin digər xəbərləri
