Sumqayıtda Həmrəylik Günü və Yeni il münasibətilə ümumşəhər bayram tədbiri keçirilib
Sumqayıt, 29 dekabr, Ətrabə Rzayeva, AZƏRTAC
Sumqayıtda 31 Dekabr - Dünya Azərbaycanlılarının Həmrəyliyi Günü və Yeni il münasibətilə ümumşəhər bayram tədbiri keçirilib.
AZƏRTAC xəbər verir ki, bayram tədbiri Azərbaycan Respublikasının Dövlət Himninin səsləndirilməsi ilə başlayıb.
Şəhər icra hakimiyyətinin başçısı Zakir Fərəcov tədbir iştirakçılarını və sakinləri qarşıdan gələn bayramlar münasibətilə təbrik edərək, Dünya Azərbaycanlılarının Həmrəyliyi Gününün tarixi əhəmiyyətindən, xalqımızın milli həmrəyliyinin formalaşmasında Ulu Öndər Heydər Əliyevin xidmətindən danışıb.
Bildirilib ki, 2023-cü il Sumqayıt şəhəri üçün də uğurlu olub. 74 yaşlı Sumqayıt öz tarixinin çox fərəhli, yaddaşlara əbədi həkk olunan yeni günlərini yaşayır. Son illər həyata keçirilən genişmiqyaslı, uğurlu layihələr şəhərin simasını tamamilə dəyişib. Bu gün Sumqayıt müasir, böyük sənaye potensialına malik olan, gündən-günə abadlaşan şəhərdir.
Sonra şəhərin sosial-iqtisadi həyatında səmərəli fəaliyyətinə görə fərqlənən bir qrup şəxsə fəxri fərmanlar təqdim olunub.
Bayram tədbiri tanınmış incəsənət ustalarının təqdim etdiyi rəngarəng konsert proqramı ilə davam edib.
Bölmənin digər xəbərləri
