Sumqayıtlı azyaşlı karateçilər İranda 14 medal qazanıblar
Bakı, 23 oktyabr, Nicat Məmmədov, AZƏRTAC
İranda “Tehran Open” beynəlxalq turnirində iştirak edən Sumqayıt karateçiləri yüksək nəticə əldə ediblər.
Azərbaycan Milli Karate Federasiyasından AZƏRTAC-a bildiriblər ki, azyaşlı karateçilərimiz ümumilikdə on dörd medal qazanıblar. Onlardan beşi qızıl, beşi gümüş, dördü isə bürünc medaldır.
Turnirdə Elməddin Səlimli (6-7 yaş, kata qızıl, kumite gümüş medal), Amil Abbaslı (8-9 yaş, kata gümüş, kumite bürünc medal), Seymur Mütəllimli (8-9 yaş, kata bürünc, kumite qızıl medal), Akif Məmmədli (12-13 yaş, kata bürünc, kumite gümüş medal), Səlbidə Ağalı (10-11 yaş, kata və kumite qızıl medal), Həsən Osmanov (8-9 yaş, kumite gümüş medal), Samirə Babayeva (16-17 yaş, kata gümüş medal), Yusif Hüseynli (8-9 yaş, kumite bürünc medal) və Murad Hüseynov (14-15 yaş, kumite bürünc medal) mükafatçılar sırasında yer alıblar.
İdmançılar turnirə məşqçilər Rafael Məmmədov və Elnurə Ramazanovanın rəhbərliyi altında qatılıblar.
Bölmənin digər xəbərləri
