Süni intellekt əsaslı “E-qanun.ai” platformasının istifadəçilərinin və ünvanlanan sualların sayı açıqlanıb
Bakı, 17 noyabr, Günel Türksoy, AZƏRTAC
Azərbaycanın hüquqi sənəd və qanunvericilik bazasında effektiv axtarış etməyə imkan verən süni intellekt əsaslı “E-qanun.ai” platformasının 30 mindən çox istifadəçisi var.
Bu barədə AZƏRTAC-ın sorğusuna cavab olaraq Ədliyyə Nazirliyinin mətbuat xidmətindən məlumat verilib.
Bildirilib ki, vətəndaşlar tərəfindən platformaya maraq yüksək səviyyədədir. Belə ki, sentyabr ayında istifadəyə verilmiş "E-qanun.ai” platformasına indiyədək vətəndaşlar tərəfindən 500 mindən çox hüquqi sual ünvanlanıb.
Sorğular əsasən Əmək Məcəlləsi, Vergi Məcəlləsi, “Yol hərəkəti haqqında” Qanun, Cinayət Məcəlləsi, Mülki Məcəllə, İnzibati Xətalar Məcəlləsi və Ailə Məcəlləsi ilə əlaqədardır.
Bölmənin digər xəbərləri
