SÜNİ ÜRƏK İMPLANTASİYASI ÜZRƏ DAHA BİR UĞURLU CƏRRAHİYYƏ ƏMƏLİYYATI
AZƏRTAC xarici informasiya agentliklərinə istinadla xəbər verir ki, Amerika həkimləri süni orqan köçürülməsi sahəsində növbəti müvəffəqiyyət əldə etmişlər. Luisvill şəhərindəki Cuis Hospitalda AbioCor modelli tamamilə süni ürəyin implantasiyası üzrə cərrahiyyə əməliyyatı aparılmışdır.
Bu, insana tamamilə süni ürək qoyulması sahəsində dünyada 14-cü uğurlu əməliyyatdır.
AbioCor süni ürəyinin yaradılması Amerikanın Abiomed İnc. şirkətinin əldə etdiyi çox nadir nailiyyətidir. Onun kardiologiyada tətbiqi ABŞ-ın Qida məhsulları və dərmanlar üzrə Federal komissiyası tərəfindən bəyənilmişdir.
Bölmənin digər xəbərləri
