Superliqa klubunun yeni baş məşqçisi bəlli olub
Bakı, 29 dekabr, AZƏRTAC
Bu mövsüm Türkiyə Superliqasında uğursuz çıxışı ilə diqqət çəkən “Fatih Karagümrük” komandasının yeni baş məşqçisi bəlli olub.
AZƏRTAC klubun rəsmi saytına istinadla xəbər verir ki, Superliqa təmsilçisi Aleksandar Stanoyeviçlə anlaşıb. Serbiyalı mütəxəssislə imzalanmış müqavilənin detalları açıqlanmayıb.
A.Stanoyeviç 2023-2024-cü illər mövsümündə Türkiyənin digər klubu “Konyaspor”a başçılıq edib.
Qeyd edək ki, “Fatih Karagümrük” Superliqada mövsümünün ilk hissəsini 9 xalla turnir cədvəlinin sonuncu pilləsində başa vurub.
Bölmənin digər xəbərləri
