Sürücü piyadanı vurmaqdan son anda yayınıb, lakin qəza törədib VİDEO
Bakı, 16 iyul, AZƏRTAC
Dəfələrlə xəbərdarlıq edilməsinə baxmayaraq, bəzi piyadalar qaydalara əməl etməyərək özlərinin və sürücülərin həyatını heçə sayırlar.
AZƏRTAC xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzinin yaydığı məlumatda qeyd olunub.
Məlumatda deyilir: “Dəfələrlə xəbərdarlıq edilir, onların maariflənməsi məqsədilə tədbirlər görülür, ancaq təəssüflər olsun ki, bəzi piyadalar özlərinin və sürücülərin həyatını heçə sayıb qaydalara əməl etmirlər. Növbəti belə bir hadisə bu gün səhər saatlarında Yasamal rayonu, Tbilisi prospektində (Respublika Diaqnostika Mərkəzinin qarşısında) baş verib. Yaxınlıqda yerüstü piyada keçidi olmasına baxmayaraq, yolun hərəkət hissəsindən keçən piyadanı avtomobillərdən birinin sürücüsü vurmaqdan son anda yayınıb, lakin qəza törədib. Nəticədə həm nəqliyyat vasitəsinə ziyan dəyib, həm də yolda sıxlıq yaranıb”.
Bölmənin digər xəbərləri
