TAEKVONDO FEDERASİYASINDA GÖRÜŞ
AZƏRTAC xəbər verir ki, Avropa Olimpiya Komitəsinin prezidenti Patrik Hikey aprelin 8-də Taekvondo Federasiyasında olmuşdur.Qonaq burada məşq zalları, üzgüçülük hovuzu və mehmanxana kompleksinə baxmış, taekvondoçuların uğurlarını əks etdirən fotosərgi ilə tanış olmuş, idmançıların nümunəvi çıxışlarını izləmişdir.
Federasiyanın vitse-prezidenti Fizuli Musayev ölkəmizdə taekvondo idman növünün inkişafı və onlara yaradılmış şərait barədə qonağa məlumat vermişdir.
P.Hikey bu idman növünün Olimpiya oyunlarındakı yerindən və hakimlik sistemində aparılan islahatlardan danışmışdır.
Federasiya adından qonağa xatirə hədiyyəsi təqdim olunmuşdur.
Bölmənin digər xəbərləri
