Tailandda avtobus qəzası nəticəsində yeddi nəfər ölüb, 40 nəfər yaralanıb
Bakı, 26 sentyabr, AZƏRTAC
Banqkokdan 200 kilometr məsafədə “ikimərtəbəli” avtobusun qoşqulu yük maşını ilə toqquşması nəticəsində 7 nəfər həlak olub, 40 nəfər müxtəlif dərəcəli bədən xəsarətləri alıb.
AZƏRTAC Tailand KİV-lərinə istinadla xəbər verir ki, hadisə şənbə günü səhər saatlarında Nakxon Ratçasima şəhərinin kənarındakı yol ayrıcında baş verib. Zərbə nəticəsində hər iki avtomobil aşıb.
Polisin məlumatına görə, avtobusda səhiyyə sistemində fəaliyyət göstərən könüllülər və onların ailə üzvləri, ümumilikdə, 47 nəfər olub.
Şahid ifadələrinə əsasən, sürücü avtobusu yüksək sürətlə idarə edib və sükan arxasında bir neçə dəfə mürgüləyib, onu sərnişinlər oyadıb.
Bölmənin digər xəbərləri
