Tarix Muzeyinin Vətən müharibəsi fondunda qorunan materiallardan ibarət nəşrlər hazırlanacaq
Bakı, 21 yanvar, AZƏRTAC
AMEA-nın Milli Azərbaycan Tarixi Muzeyinin Vətən müharibəsi fondunda qorunan materiallardan ibarət nəşrlər hazırlanacaq.
Bu barədə AZƏRTAC-a muzeyin icraçı direktoru dosent Fərhad Cabbarov məlumat verib. F.Cabbarov qeyd edib ki, fond bu ilin yanvar ayında yaradılıb. Əsas məqsəd şəhidlərə məxsus əşyalar, sənədlər, fotolar və digər materiallar əsasında sərgilərin təşkili, həmin materialların qorunması, onların elmi-tədqiqat proseslərinə cəlb edilməsidir. Bu günədək 250-dən çox şəhidə məxsus materiallar fonda daxil edilib. Bu istiqamətdə işlər davam etdirilir.
Bölmənin digər xəbərləri
