“Tarixin izi ilə” mövzusunda “dəyirmi masa” keçirilmişdir
Bakı, 28 mart (AZƏRTAC). Martın 28-də Binə qəsəbə mədəniyyət mərkəzi Xəzər Rayon Mərkəzləşdirilmiş Kitabxana Sisteminin kollektivi ilə birgə 31 mart - Azərbaycanlıların soyqırımı gününə həsr olunmuş “Tarixin izi ilə” mövzusunda “dəyirmi masa” keçirmişdir.
Mərkəzdən AZƏRTAC-a bildirmişlər ki, əsas məqsəd tariximizin qan yaddaşı olan 31 mart soyqırımını unutmamaq, tarixi faktlardan söhbət açaraq gələcək nəsilləri məlumatlandırmaqdır.
“Dəyirmi masa”da mərkəzin bədii rəhbəri Səadət Hüseynova 31 mart soyqırımı haqqında məruzə ilə çıxış etmiş, bu faciənin dəhşətlərindən, tarixi faktlarından söhbət açılmışdır.
Bölmənin digər xəbərləri
