Tayvanda ictimai nəqliyyatın elektriklə işləyən avtomobillərə keçidi üçün 2,1 milyard dollar ayrılacaq
Bakı, 3 iyun, AZƏRTAC
Çinin Tayvan adasında bütün ictimai nəqliyyatda elektriklə işləyən nəqliyyat vasitələrindən istifadə olunması üçün 2,1 milyard dollar büdcə ayrılması təsdiqlənib.
AZƏRTAC xbər verir ki, bu barədə Tayvanın Mərkəzi Xəbər Agentliyi məlumat yayıb.
Proqram dizellə işləyən 9,4 min avtobusdan tam imtina edilməsini və parkın tədricən elektriklə işləyən avtomobillərlə əvəzlənməsini nəzərdə tutur.
İctimai nəqliyyatın 2030-cu ilə qədər tam elektriklə işləməsi planlaşdırılır.
Ötən il Tayvanda 2050-ci ilə qədər karbon tullantılarının azaldılmasına nail olmaq üçün proqram dərc edilib. Proqrama görə, bərpaolunan enerji mənbələrinin payı enerji balansında 60-70 faizədək olmalıdır. Xatırladaq ki, 2020-ci ildə bu rəqəm 6 faiz olub.
Bölmənin digər xəbərləri
