TƏDRİCƏN SUYA QƏRQ OLAN VENESİYANIN XİLASI LAYİHƏSİ HAZIRLANMIŞDIR
AZƏRTAC xarici KİV-lərə istinadla xəbər verir ki, İtaliyanın bir qrup mühəndisi və hidrogeoloqu tədricən suya qərq olan Venesiyanın xilası planını təklif etmişdir. Plana görə, Venesiya ətrafında 10 kvadratkilometr sahədə qazılmış 700 metr dərinliyində 12 quyudan qumdaşı layına gilli dəniz suyu vurulacaqdır. Yaranmış təzyiq nəticəsində torpaq şişərək şəhəri qaldıracaqdır. Ekspertlərin hesablamalarına görə, bu əməliyyat nəticəsində Venesiya təqribən otuz santimetrə qədər qalxacaqdır. Şəhər son üç əsr ərzində elə bu qədər enmişdi.
Bölmənin digər xəbərləri
