TƏLƏBƏ QƏBULU ÜZRƏ DÖVLƏT KOMİSSİYASI VAKANT İŞ YERLƏRİNƏ MÜSABİQƏ ELAN EDİR

01.11.2005 [19:47]
Çap et
A⁺ A^-

Tələbə Qəbulu üzrə Dövlət Komissiyası “Dövlət orqanlarında dövlət qulluğuna müsabiqə vasitəsilə qəbul qaydaları”na uyğun olaraq, vakant iş yerlərinə müsabiqə elan etmişdir.

TQDK-dan AZƏRTAC-a bildirmişlər ki, müsabiqə test imtahanından və müsahibədən ibarətdir. Müsabiqə 5 istiqamət üzrə aparılır: 1) Testlərin tərtibi metodikası; 2) İnformasiya texnologiyaları (proqramlaşdırma, məlumat bazalarını idarəetmə sistemləri); 3) İmtahanların təşkili və idarə edilməsi; 4) İctimaiyyətlə əlaqə (PR) texnologiyaları; 5) Mühasibatlıq.

Sənədlər noyabrın 2-dən 30–dək hər gün (şənbə və bazar günləri istisna olmaqla) saat 10.00-dan 17-00 dək TQDK-nın binasında qəbul olunur.

Daha ətraflı məlumat üçün sənəd qəbulu komissiyasına və TQDK–nın internet saytına müraciət etmək olar: www.tqdk.gov.az